6/10 挑戰獨木舟一星 半成功記 前一晚輾轉反側都訓不著，我想，我真的既興奮又緊張... 訓得四個鐘，但又出奇地精神 準時9點去到報到，雖然我行左去赤柱正灘急救中心那邊才行回頭路 好在，有靚仔救生員教我點過去 一上到去問人係邊報到，原來就問了當日既教練---Alan. 入到課室briefing + 等齊人，就有得去換衫lu~ 我個班齊人有8個人，得我同另一個係女仔，其他都係男.......士 無靚仔、無消防員、無高大威猛，有的是 玩風帆經驗、帶齊全身裝備同時間(因為有d根本唔駛做野，有d就quit左份工) 我當然都唔弱，戴上魚夫帽 + 運動太陽眼鏡 + 防uv衣 + 毛巾 + 水 就出發... 去拿艇，拿一大段路先到灘面，沿路仲要被d浪係咁打住對鞋，差d仆係度... 係灘面練下槳法，點樣上落艇，就正式出海喇~ 之前 成日以為好易向前的我，一出發後就喪打轉，我係以"咖啡杯"式前進 多謝同學仔和教練既耐性，雖然每次都係我最早出發果個，但永遠都係最遲歸隊... 划划下，對手好似唔係屬於自己既咁... 因為無技術可言既我，唯有靠死力. 好快就到lunch，一齊去左市集食飯 食完飯，多謝教練帶路，去買了對勞工手套，因為右手虎口位已損了... lunch之後，就到我最驚既part喇 要反艇！ 仲要自己反！反完之後仲要係水底伸手出黎拍艇背，先可以上番水面 我左搖右搖，都反唔到 結果要伸直隻手向右反先反到， 但一落到水，我就成個倒左出黎，不能雙手一齊拍，只有單手，而另一隻手我整黎整去都出唔到水面... 第一次考，衰左係度，仲有我太緊張，竟無量度水深...另外向後划時無划到去目的地就轉向划，Fail！ 教練問：你考唔考多次？ 第二次考，向後向前划都好得多，我聽到同學仔都話今次我好好多(可能之前真的太差了...)，唯獨反艇，我已盡我全力用膝頭去頂住隻艇，但我還是倒了出來... 一出水面，立即同教練講，可否考多次？ 第三次考，只考反艇，都係衰左... 係度等考時，我真的很驚，好耐未試過等開考既緊張... 到衰左第一次等考第二次，我好想喊，反艇果一下既感覺好無助 到考第三次上艇時，我已雙腳震哂，同學仔都問我駛唔駛抖下 當我每次反艇前都會心裡不斷地祈禱，令我有信心地反下去！ 第三次後，一上水，教練就說不用再考了 佢話：你對膝頭頂艇頂到瘀哂喇！結果教練把我連人帶艇拖上岸... 到最後，雖然拿不到總會的一星章，但都算拿到康文署的。 其實，我已有賺了，因為其實我不太識游水架~~~ 所以我決定 我要游好我既水！ 雖然未必會再玩獨木舟，但係練好水先再算吧！ 後遺症：四肢肌肉疼痛(好似被人挑斷哂d根咁) + 右手虎口位損左 + 四處瘀傷 + 傷風了......
呵呵~竟然無乜曬黑到喎~ P.S.多得教練今日成日鼓勵同提醒我，叫我比心機先可以同fd一齊去考二、三星！ | 
，好大鄉里啊我！
